蘋果不是紅色的

某天，我同兩件認識左十年以上既同學打邊邊，
席間既 O 小姐，係一位莫名其妙地一做 ~ 做左好幾年的幼稚園老師。
佢番工既幼稚園地區，係天水圍。

閒談中，佢講左一句 「依家既小朋友，係唔知蘋果係紅色 ga !!」

當場，我真係以為佢同緊我講笑... 而我心底亦自然浮出好幾個答案...

-- 「蘋果有綠色ga ma!」( 青蘋果 )
-- 「蘋果，得黑白色兩款ga ja!」( iPHONE 顏色)
-- 「蘋果，係彩色ga !! 有時仲識得出聲 tim !!」 (蘋果日報﹑蘋果動新聞)

不過我選擇，問清楚佢講既野，到底係唔係一條 IQ 題，先再扮叻搶答。
但問完，我真的啞左。

佢講既，唔係問題，係答案，係生活例子，而且係活生生，真係由小朋友口中出來的答案。

***

點解? 點解?
我當然有問點解依家既小朋友唔知蘋果係紅色 !!

O 小姐，輕鬆地答...
「因為，依家既小朋友從來無見過蘋果 law !!」

Well，我即時係覺得 O 小姐玩野，過左我「一幢」...

O小姐，好認真地再講...
「唔係丫! 依家 D小朋友係真係真係真係無見過蘋果!! 因為佢地見親既蘋果，都係丫媽幫佢地切曬皮，得番蘋果肉果 D !! 所以佢地連蘋果咁簡單，本身係點，咩色，都唔知嫁!!」

Well，果下，我覺得好震驚 !!

O小姐，好明顯覺得已經講左 d 話題吸引到我... 於是佢再補充...
「有咩出奇丫? 依家既小朋友係未學過爬地，就已經識跑添ga la ... 唉............」
「而且一個二個，細細粒已經識駁咀駁舌... 寸人仲叻過你丫!!」

***

HI ! 係到睇緊我呢篇文既朋友，你諗唔諗到我打打下邊爐，聽到以上 CASE 既疑惑嗎??
「蘋果不是紅色的 ! 」「未學爬就識走」
以上，唔係笑話 ! 係真ga !

因為「愛錫」仔囡，幫曬佢地切皮食蘋果，因為驚果皮唔乾淨嘛，
所以... 得出既結果係仔囡唔知蘋果係紅色 !!

因為想個仔勁 d 叻 d，由佢細細個開始就買隻勁野奶粉過佢飲 !!
結果，個仔幾叻 ! 未識爬就識走 ! 三歲開口寸嬴 八九十後 ~


但係，問題呢?
「A。P。P。L。E 」呢個字，變成... 係一舊上邊有個大屁股，下邊有個小屁股，大屁股中間夾住一條野既圖案 ! 而唔係生果 !
開口精叻寸爆全場既細路，係因為由細細開始飲隻好勁揪既魔童奶粉 ! 所以成長既時候唔止識得「便便」! 把口仲好「叻」添!! 隨時寸爆你丫!!

咁樣既細路，就係我地呢班六﹑七﹑八﹑九十後他日老左既社會依靠丫!!

你聽完，會覺得驚，定係喜呢?? 定係決定食自己?

我，嚇到個人 HANG 左機。
真係即時問自己，他朝生果件 OR 果件s，應該點教丫??? 唔通真係想生叉燒丫??

但，我既老豆老母真係無教我點教仔丫 !!

喂? 但我丫爺丫嫲都應該無教我老豆老母點教囡，不過我都算係正常人一個 wo...

原因?
做人唔好姓賴喇!! 無人教，唔代表你做唔好唔識做!! 亦唔代表老師教唔好!! 更加唔代表個社會唔好!! 再更更加唔代表自己條命生得唔好!!
負責任果位，諗下到底應該係邊個丫?

你丫!! 唔負責任，你同我既將來，就要面對蘋果唔係紅色呢個命運ga la!
仲係到怪d 強國人食媽咪面食到一地都係果d，仲係到怪緊人地個老豆老母唔識教仔果d...
有冇野可以幫到你自己手丫???


無論你係邊個，想對身邊既人負下責任，有咩壞丫??

一於咁話喇!! 如果唔係紅色既蘋果日後應該會絕種ga la!