7.10.09

敗金欠你... 廿八天 (明治氨基膠原)(已補總結)

好古怪既題目...
...
話說早兩日睇報紙見到 屈仔既廣告提到~
明治氨基膠原 (amino collagen) 做特價$398 2罐...
所以... 一放工急不及待跑去買!!




說明書話 :
呢罐野低卡,低脂及無糖
骨膠原份子經處理,所以更易被身體及皮膚吸收
除骨膠原外,加入左3種成份...:
arginine - 會令身體產生適量蛋白,促進肌膚健康
glucosamine - 提升皮膚整體鎖水力,保持皮膚潤澤彈性
vitamin c - 幫助身體製造及產生更多骨膠原


一罐有廿八天的份量...
一回到家~ 立即開一罐黎望下 + 飲下
呢張係佢既蓋上邊既說明書...



本來我有少少想...
就咁沖水飲=.="
不過諗真d ~ 佢教得話溝野黎飲既話...
可能就咁沖水既味會好.............囧 ~ 都唔定
所以...
穩陣d 都係沖其他野飲...

打開個蓋入邊既鐵片...
見到既...
係一d 白色既粉...



似咩?
...
唉...
呢罐野搞到我比媽媽問我... 係唔係未戒奶...
...
唔好玩喇... 我飲奶會肚痾...
...
uw_plantline (26).gif


講番個題目先... 叫得話我欠大家既!
我就係想拎自己做下實驗品 (白老鼠性格又上左身)
以前係d forum 成日見人話飲呢罐野點好點好...
所以我就試下咁! 先以廿八天 (第一罐做試驗)
睇下點...
uw_plantline (26).gif
九月四日 : 第一天試飲,溝左益力多... 味道? ... 傑左既益力多咁law...
九月五日 : 又係溝左益力多... 因為買左一排,無奶油只飲一樽
九月六日 : 都係益力多喇............ 我開始習慣益力多係傑傑地...
九月七日 : 今日家中有雞骨草加小麥草汁... 不過都係唔好搞咁多野,益力多算喇...
九月八日 : 本來打算溝水試一次,最後都係無勇氣-.-" ~ 用番益力多
九月九日 : 唔知點解... 連溝左益力多都覺得好難飲,係唔係要溝熱飲ga?
九月十日 : 媽媽好叻,知我勁飲益力多,所以又入左2排,飲左一個星期...皮膚好似... 真係有D 唔同左
九月十一日 : 飲... 飲勝 (今日去左屈記望下,原來... 原價要2XX 一罐GA 明治,我無買貴WO... 不過個DISCOUNT 依家都仲做緊)
九月十二日 : 今日選擇左一起身就飲... 我發現先落粉再落益力多,無咁難飲...(錯覺?)
九月十三日 : 因為唔係屋企,所以停飲左一晚 XD
uw_plantline (26).gif
九月十四日 : 回到家之後,當然要再飲飲飲... 又係益力多
九月十五日 : SAME SAME....
九月十六日 : 用黎搞D 粉同益力多果支 筷子,次次都貼住好多粉~ 浪費!
九月十七日 : 家中最後一支益力多,其實唔講明治,日日一支益力多~ 我既腸胃真係好左.... 至少唔會成日 "攪攪攪..."
九月十八日 : 無曬... 真係無曬... 無曬益力多,結果溝水飲... 真係好好好好好 X 難飲呀 (X_X") ! 難飲程度... 高過飲苦茶,我飲完一啖係個口,幾乎想嘔呀!
九月十九日 : 決定罷飲! (家中無益力多呀 救命...)
九月二十日 : 罷飲! 無人買益力多... !!
九月廿一日 : 去左男朋友仔到... 無得飲T^T
九月廿二日 : 專登買左包"圍她"奶番屋企溝,史上最好飲!! (不過... "圍她"奶咁甜... 日日飲咪會肥死?)
九月廿三日 : 家中又出現番益力多喇....
uw_plantline (26).gif
做個中途小總結:
飲左"廿" 日... (雖然中間有D 時間係有借口咁逃避左),感覺... 唔多明顯。
但係面珠既彈力 ~ 事實上係好左! 會FEEL 到比之前"飽" D ...
再看看吧....


uw_plantline (26).gif
九月廿四日 : 仍是益力多
九月廿五日 : 悶... ~
九月廿六日 : 都是益力多... 我發現把粉粉先放在杯,再倒下益力多的感覺,溶得比較好
九月廿七日 : ...
九月廿八日 : 到底一罐是不是真的廿八日? 雖然我間中有斷開.. 無飲... 不過仍剩1/3罐
九月廿九日 : 是日選了一早飲才出門... 因為今晚和明天不在家~
九月三十日 : 不在家,沒飲唷... 到了十月一號之後再來一次總結!!
(幾乎想打... 九月三十一日... 囧...)
十月一日 : ... 國慶快樂! ... 樽野飲極都飲唔完....但要做總結喇 !
uw_plantline (26).gif
終於完成了廿八天,
雖然中間有d日子還是有很多原因地令自己忘記左飲,唔想飲之下... 無飲,
不過完成就是完成 ... (日子上 倒數完...)
一個罐子... 還剩1/6 ... 所以我估計一罐應該可以飲到三十五日以上~
這段廿八日期間,經歷每個女人都有既 "麻煩期" 到 "完成期"
我飲用完這個明治氨基膠原之後...
感覺是...
皮膚的確有比較彈 ~ ...
彈的意思... 是手指篤入面珠
你會 feel 到入邊比較 "飽"
但你問我明不明顯???
不明顯...
只是自己 feel 到而已
而身體上其他部份有沒有比較好彈力呢? 不明顯...
皮膚水份有沒有比較多 ? ...
那阿呢????? 無感覺唷...
不過... 我之前飲用regene 的補水份飲品,一樣是沒有感覺
可能因為我本身水份方面都 ok 吧...

總結 :
如果有discount ,回購的機會係 50%
因為我一直在用益力多溝粉
要考慮到益力多的糖份... 也是超強的
加上 ~ 要天天記得沖... 變成生活一小部份壓力
有時忘了... 還是會 ~ 唉!! 又唔記得...
所以... 不想被 "奶粉" 控制生活的我
決定飲完這 2罐便會停了
因為我要試另一個牌子了 ~ hahahaaaaa ~ 我很怕悶的呀!!


uw_plantline (26).gif
後記...
長命債長命還...
呢到都係廿八日姐... ~ 應該唔難寫既~


但另一件事就係~ $398 2罐真係discount 咩??
有朋友話我知... 佢平時都係賣 $199一罐wo !
頂... 我係唔係比廣告呃左? 囧....................

沒有留言:

發佈留言

Related Posts Plugin for WordPress, Blogger...